Қазақстан экономикасының инновациялық дамуының жағдайы мен үрдістерін талдау

Бүгінгі таңда инновация саласы кез-келген ұлттық экономиканың бәсекелестік артықшылықтарын қа­лыптастыратын сала болып табылады. Жалпы, Қазақстан жаһандық деңгейде бәсекеге қабілетті жоғары дең­гейге ие. Дегенмен, инновациялар елдің бәсекеге қабілеттілігін қамтамасыз ететін факторлардың ішіндегі ең әлсіз тұсы болып қалады. Қазақстандағы экономикалық дамудың инновациялық моделін қалыптастыру және енгізу елдегі инновацияларды мақсатты түрде дамыту үшін осы үдерістің тұрақты мониторингін және талдауын талап етеді. Мақала ұлттық инновациялық жүйенің жұмысының әлсіз тұстары мен проблемаларын талдау және оны жетілдіру жолдарын іздестіруге арналған. Жұмыста ауқымды статистикалық деректер негізінде инновациялық қызметтің негізгі көрсеткіштері талданады: меншік нысандары бойынша кәсіпорындардың инновациялық қызметі; өнеркәсіптік кәсіпорындардың қызмет түрлері бойынша инновациялық өнімдердің көлемі мен құрылымы; индустриядағы технологиялық инновацияларға арналған шығындар деңгейі және олардың құрылымы. Инновациялық қызметті неғұрлым толық бағалау үшін өнеркәсіптік өндірістің жалпы көлеміндегі инновациялық өнім үлесі, индустриялық өндірістің инновациялық өнімі көлеміндегі тех­нологиялық инновациялар шығындарының үлесі сияқты қосымша көрсеткіштер ұсынылады. Сондай-ақ, экономиканың инновациялық дамуының кейбір мәселелері суреттелді: өнеркәсіптік өндірістің жалпы кө­леміндегі инновациялық өнімнің жоғары көлемінің жеткіліксіздігі, білім беру мен ғылымға инвестиция өсуінің жоқтығы, өңдеуші өнеркәсібі салалары, қызмет саласында құрылымдық өзгерістердің бәрмәнді емес сипаты, институционалдық ортаның тұрақсыздығы және басқалары.

экономика, инновации, инновационная деятельность, индустриально-инновационное развитие, конкурентоспособность, национальная экономика, экономика, инновациялар, инновациялық қызмет, индустриалдық-инновациялық даму, бәсекеге қабілеттілік, ұлттық экономика, economy, innovation, innovative activity, industrial-innovative development, competitiveness, national economy

1. www.stat.gov.kz.

2. Galieva G. Innovative Economy in Post-Crisis Age // BRAND. Broad Research in Accounting, Negotiation, and Distribution. Vol. 3. - 2012. - № 3.

3. Голубкин В.Н., Клева Л.П. Современные факторы инновационного развития экономики: управление знаниями // Переход к инновационной экономике: сборник статей - М.: Институт экономики РАН, 2008. - С. 136-142.