Қазақстан Республикасындағы кәсіпкерлік құрылымдардың инновациялық дамуын басқару принциптері

Жаһандану жағдайында инновациялық дамудың тұрақтылығы елдің бәсекеге қабілеттілігін, экономикалық, технологиялық, экологиялық қауіпсіздікті және тұрақты дамуды қамтамасыз ететін факторлардың бірі болып табылады. Экономиканың инновациялық моделі елдің бүгін және болашақта орнықты дамуын қамтамасыз етеді. Осыған байланысты, мемлекет отандық инновациялық кәсіпкерлікті дамытуға ерекше назар аударуға тиіс. Бүгінгі таңда инновациялық даму – Қазақстан Республикасы үшін ең маңызды міндет болып табылады. Автор Қазақстан Республикасында жұмыс жасайтын шағын және орта кәсіпкерлік субъектілерінің санын және кәсіпорындардың инновациялық белсенділік деңгейін зерттеді. Бұл инновациялық ілгерілеудің белгілі бір нәтижелері туралы куәландырады, бірақ сонымен бірге отандық кәсіпкерліктің инновациялық белсенділігінің төмен деңгейін көрсетеді. Инновациялық кәсіпорындардың өсуіне қарамастан, отандық кәсіпорындардың инновациялар саласындағы кәсіпкерлік белсенділігі төмен болып қалатынын атап өткен жөн. Қазақстан қазірдің өзінде енгізілген және пайдаланылатын шетелдік әзірлемелер мен технологияларға тәуелді, бұл оның өндірістік базасын басқару және жаңғырту процесін қиындатады. Сондықтан отандық инновациялық кәсіпкерлік деңгейін арттыру оның қызметін жетілдіруге, инновациялық ортаны дамытуға, сұранысқа ие білікті мамандарды оқытуға, ынталандыруға, қаржыландыруға, инновацияларды реттеуге және инновациялық экономика моделі үшін құқықтық базаны одан әрі қалыптастыруға байланысты көптеген мәселелерді шешуді талап етеді. Осыған байланысты мақалада Қазақстандағы Инновациялық дамуды жандандыру үшін қажетті шаралар ұсынылған.

1. Қазақстан Республикасы Президентінің Қазақстан халқына жолдауы. Жаңа онжылдық – жаңа экономикалық өрлеу – Қазақстанның жаңа мүмкіндіктері. – Егеменді Қазақстан, 2010.

2. Высокие технологии. Свободная энциклопедия. URL: https://ru.wіkіpеdіа.org/wіkі/Высокие_технологии.

3. Государственная программа индустриально-инновационного развития республики Казахстан на 2016 – 2020 годы. URL: http://www.bаіtеrеk.gov.kz/ru/progrаms/gpііr-2/ (дата обращения: 26.03.2017)

4. Программа «Агробизнес–2020». URL: http://mgov.kz/progrаmmа-аgrobіznеs-2020/ (дата обращения: 26.03.2017)

5. Нургалиева А.А Инновациялық даму кезеңінде әлеуметтік инфрақұрылымды жаңғыртудың экономикалық басымдығы // «Экономика» баспасы» ЖШС. – Алматы, 2017.